OGGEND SPORT: Die Knights staan reg, Hermann skitter terwyl die Proteas vir Namibië oorrompel en, Rybakina verseker ‘n historiese nommer-een-plek

Saamgestel deur Jana Roos

2 days ago

2 min read

Ons begin met krieket-nuus: Krieket Suid Afrika se vernude Eersteklasreeks begin Donderdag, met die onlangs bevorderde Flexbrands Knights wat die North West Dragons in Bloemfontein huisves. Spel begin om tienuur vanoggend by die Mangaung Oval.

Agt Afdeling Een-spanne ding mee om die titel, met die DP World Lions as verdedigende kampioene. Hul begin hul veldtog teen Boland op die DP World Wanderers, met die Proteas-spelers Temba Bavuma, Ryan Rickelton en Wiaan Mulder wat by Russell Domingo se span aansluit.

Elders kom die Titans teen die Dolphins op SuperSport Park te staan.

Suid-Afrika het Namibië met 99 lopies volgens die DLS-metode geklop in die eerste eendag intenasionale wedstryd in Windhoek, ná die Proteas 348-6 aangeteken het, met debutant Jordan Hermann wat ‘n uitstekende 150 lopies van 126 balle geslaan het.

Hermann het die gesamentlike hoogste eendag intenasionale wedstryd-telling deur ‘n debutant geëwenaar en ‘n vennootskap van 190 lopies om die tweede paaltjie met Tony de Zorzi se 72 gedeel, terwyl Corbin Bosch laat in die beurt ‘n onoorwonne 39 van 24 balle bygedra het.

Namibië was op 76-3 toe reën hul jaagtog onderbreek het en het op 162-8 geëindig, nadat die hersiene teiken op 262 lopies in 31 boulbeurte gestel is. Prenelen Subrayen was Suid-Afrika se beste bouler met syfers van 4-29 en Kwena Maphaka het twee paaltjies geneem, terwyl Hermann sê dat hy bly is om tot die oorwinning te kon bydra, met die volgende twee eendag intenasionale-wedstryde wat môre en Sondag gespeel word.

En, in tennis-nuus: Elena Rybakina het die halfeindronde van die Amerikaanse Ope gehaal en vir die eerste keer die wêreldranglys se nommer-een-posisie verseker, nadat sy teruggeveg het om die Olimpiese kampioen, Zheng Qinwen met 3-6, 6-1, 6-4 in New York te klop.

Die 27-jarige Rybakina is die 30ste vrou om die topposisie te bereik en sal teen die vierde gekeurde, Coco Gauff, te staan kom, na sy vir Mirra Andreeva in drie stelle geklop en twee wedstrydpunte afgeweer het.

In die manshalfeindronde sal Alexander Zverev teen Karen Khachanov speel, en Ben Shelton sal teen Frances Tiafoe te staan kom.

Aryna Sabalenka en Jessica Pegula sal in die ander halfeindstryd kragte meet, terwyl Rybakina sê sy bly gefokus daarop om die Amerikaanse Ope-titel te wen eerder as om bloot die nommer-een-posisie te bereik.