Ongunstige weerstoestande kan die laaste fase van die matriekeksamen ontwrig
19 hours ago
1 min read
Die Departement van Basiese Onderwys doen ’n beroep op groter waaksaamheid, aangesien ongunstige weerstoestande die laaste fase van vanjaar se matriekeksamen kan ontwrig.
Die departement waarsku dat uiterste hitte, swaar reënval en donderstorms eksamenlokale en vervoerroetes in dele van die land kan raak.
Provinsiale onderwysdepartemente word versoek om met die Suid-Afrikaanse Weerdiens en rampbestuursowerhede saam te werk.
Die departement se Terence Khala sê ouers en voogde moet kandidate voorberei op die heersende weerstoestande. Hy raai kandidate aan om genoeg water te drink, gemaklike klere te dra wat aan die eksamenreëls voldoen, en onnodige blootstelling aan direkte sonlig te vermy.
LUISTER HIER:
Terence Khala
Comments