Outa verwelkom die aanpassing van die brandstofheffing
- Saamgestel deur Ilde Roos
- Apr 1
- 1 min read
Die Organisasie teen Belastingmisbruik (Outa) verwelkom die regering se aanpassing van die brandstofheffing.
Die regering het Dinsdag aangekondig dat die brandstofheffing met ongeveer R3 per liter vir petrol en byna R4 vir diesel verminder sal word, wat ’n veel groter verhoging sou gewees het, verlig.
Outa glo egter dat die besluit te laat gekom het, ondanks duidelike waarskuwingstekens van beduidende prysstygings vroeër in die maand.
Outa se Wayne Duvenhage sê hoewel die verligting die gevolglike stygings in vervoer- en voedselkoste sal beperk, bly dit ’n korttermynmaatreël.
LUISTER HIER:
Intussen verwelkom die VF Plus ook die minister van Finansies, Enoch Godongwana, se besluit om die brandstofheffing met R3 vir een maand te verminder en sê dat dit tydelike verligting aan motoriste bied.
Die VF Plus se Wynand Boshoff sê die verlore belastinginkomste sal uiteindelik verhaal moet word. Hy sê die party het gehoop dat die wêreldwye olieprysdruk binne die maand sal verlig om verdere brandstofprysstygings te vermy.
Boshoff het bygevoeg dat die situasie Suid-Afrika se afhanklikheid van ingevoerde brandstof en die strategiese belangrikheid van Sasol en betroubare elektrisiteitsvoorsiening beklemtoon.
Comments