Padsterftes neem af, maar Suid-Afrika skiet steeds tekort aan sy padveiligheidsteikens
16 hours ago
1 min read
Die aantal padsterftes in Suid-Afrika het afgeneem, maar die land bereik steeds nie sy padveiligheidsteikens nie.
Volgens die Padverkeersbestuurskorporasie het Suid-Afrika verlede jaar 11 485 padsterftes aangeteken, teenoor 12 172 in 2024.
Dit kom terwyl die land Sondag saam met die wêreldgemeenskap Wêrelddag ter Herdenking van Verkeersslagoffers waarneem.
Voetgangers bly besonder kwesbaar en maak sowat 45% van alle padsterftes uit.
Die korporasie se woordvoerder, Simon Zwane, doen ’n beroep op motoriste en voetgangers om verantwoordelikheid vir padveiligheid te aanvaar.
Comments