RUGBY: Ierland-toets is nie 'n wrokwedstryd nie

Thomas du Toit en Grant Williams het skimpe dat Saterdag se kragmeting teen Ierland ‘n wrokwedstryd is, van die hand gewys en sê dat verlede jaar se noue nederlaag in Durban in die verlede is.

Du Toit het beklemtoon dat die Bokke elke wedstryd afsonderlik hanteer en het Ierland se gestruktureerde styl as ‘n nuwe uitdaging uitgelig, terwyl Williams daardie sentiment beaam het.

Nadat hy meer as twee jaar klubrugby in die Verenigde Koninkryk gespeel het, glo Du Toit dat die ervaring en blootstelling aan koue, nat toestande hom hierdie naweek goed te pas sal kom.

Die Springbokke gaan voort met hul voorbereidings terwyl Rassie Erasmus regmaak om Donderdag sy wedstrydgroep aan te kondig.

FOTO: Facebook