RUGBY: Rassie Erasmus kies ‘n sterk Bok-span vir hul ontmoeting met die Wallabies

Die Springbok-afrigter Rassie Erasmus het ‘n sterk groep vir Saterdag se Castle Lager Rugbykampioenskap-openingswedstryd teen Australië by Ellis Park aangewys. Slegs Jan-Hendrik Wessels, Edwill van der Merwe en Asenathi Ntlabakanye het vyf of minder Toetswedstryde agter die rug. Eben Etzebeth sal sy rekord as die Bok met die meeste toetse tot 134 wedstryde opstoot terwyl Siya Kolisi vir die eerste keer in ‘n toets op nommer agt sal begin. Erasmus glo sy groep met 18 Rugbywêreldbeker-wenners en slegs een onlangse debutant is gereed om hul titel suksesol te verdedig.