RUGBY: Springbok-vroue sewesspan gereed vir uitdaging in Dubai

Saamgestel deur Armando Pieters
Jan 16
1 min read

Die Springbok-vroue sewesspan gaan hierdie naweek die HSBC SVNS 3-toernooi binne, wetende dat dit noodsaaklik is om die finaal te haal.

Hoofafrigter, Cecil Afrika, sê die span het voorberei vir ‘n veeleisende Poel A, met die fokus op aanpassing by Mexiko se onvoorspelbare spoed en binne-aangee, Tsjeggië se fisiese intensiteit, en Thailand se gedissiplineerde verdediging en skerp afbreekwerk.

Suid-Afrika moet die finaal haal om te kwalifiseer vir die volgende fase van die Uitdagerreeks, wat voortgaan met drie HSBC SVNS 2-toernooie in Nairobi, Montevideo en São Paulo oor die komende maande.