RUGBY: Tony Brown gooi gewig tydelik in by Highlanders vir Super Rugby Pacific-seisoen

Die Springbok hulpafrigter Tony Brown is tans in Nieu-Seeland om die Highlanders te help voorberei vir die begin van die Super Rugby Pacific seisoen. Luidens berigte vanuit Nieu-Seeland is Brown vir ‘n paar weke in Dunedin in ‘n informele, waarnemende kapasiteit maar sal nie lank by die Highlanders vertoef nie. Brown sal weer terugkeer na Suid-Afrika waar hy sy verantwoordelikhede by die Springbokke sal hervat.