KRIEKET: Jansen gereed om vir die Proteas na vore te tree
Die Suid-Afrikaanse linkerarm-snelbouler, Marco Jansen, is gereed om groter verantwoordelikheid te aanvaar terwyl die Proteas voorberei om teen Australië te speel sonder die beseerde snelbouler-duo, Kagiso Rabada en Lungi Ngidi.
Jansen het 49 eendag internasionale-paaltjies agter sy naam vergeleke met Rabada se 168 en Ngidi se 115, maar sê die res van die span sal moet instaan en hul deel doen in die afwesigheid van die ervare tweetal.
Die eerste van drie eendagwedstryde vind Donderdag in Durban plaas, en Jansen verwag ‘n hewige stryd tussen die twee spanne.
Die spanne skuif daarna na Johannesburg vir die Pink Day-eendag internasionale wedstryd Sondag by die Wanderers, voordat die reeks volgende Woensdag in Potchefstroom ten einde loop.
LUISTER HIER:
Comments