SA en Zimbabwe moet saamwerk oor migrasie

Saamgestel deur Jana Roos

Aug 20

1 min read

Suid-Afrika en Zimbabwe moet saamwerk om immigrasie-uitdagings op te los. Dit is luidens die minister van internasionale betrekkinge en samewerking, Ronald Lamola.

Lamola het die vierde sitting van die Bi-Nasionale Kommissie tussen Suid-Afrika en Zimbabwe toegespreek. Die vergadering het ten doel om bilaterale samewerking tussen die twee lande te versterk.

Die minister sê die meerderheid migrante in Suid-Afrika is van Zimbabwe afkomstig.

Lamola sê beide lande sal baat vind by ordelike migrasie.

LUISTER HIER:

260820nRonaldLamolaMigration

0:30