SA kan nou kersies na China uitvoer
Sep 8
1 min read
Die minister van Landbou, Wille Aucamp, het ’n protokol onderteken wat die Chinese mark vir die eerste keer vir Suid-Afrikaanse kersies oopmaak.
Die ooreenkoms is Dinsdag in Beijing onderteken tydens die negende Ministeriële Vergadering van Sanitêre en Fitosanitêre Sake.
China is die wêreld se grootste kersie-invoerder en het verlede jaar sowat 586 900 ton ter waarde van $3,3 miljard ingevoer.
Die nuwe mark sal na verwagting belegging in kersieproduksie ’n hupstoot gee en sowat 600 werksgeleenthede skep.
Aucamp sê daar is nog meer wat tussen Suid-Afrika en China moet gebeur.
Comments