SA staar dreigende gaskrisis in die gesig

Suid-Afrika kan binne die volgende twee jaar ’n ernstige gasvoorsieningskrisis in die gesig staar, wat nywerhede kan bedreig wat sowat 8% van die ekonomie bydra en 75 000 werksgeleenthede ondersteun.

Sakeleiers waarsku dat Sasol se gasvelde in Mosambiek moontlik ná 2028 nie meer in die nywerheidsvraag kan voorsien nie.

Hulle sê onsekerheid oor toekomstige gasvoorrade en pryse vertraag reeds beleggings.

Planne vir ’n terminaal vir die invoer van vloeibare aardgas in Mosambiek het ook tot stilstand gekom omdat die vraag vanuit die nywerheid alleen nie voldoende is om die belegging te regverdig nie.

Die regering oorweeg nuwe gas-aangedrewe kragprojekte, maar daar is steeds geen vaste tydlyn vir die bou daarvan nie.

Ter illustrasie. FOTO: Unsplash