Sapa wil hê die regering moet ’n hoenderinvoerooreenkoms met die VSA skrap

Die Suid-Afrikaanse Pluimveevereniging (Sapa) doen ’n beroep op die regering om ’n ooreenkoms met die Verenigde State van Amerika (VSA) te skrap wat belastingvrye hoenderinvoere na Suid-Afrika toelaat.

Die ooreenkoms volg op die VSA se aankondiging dat Suid-Afrika uit die Wet op Groei en Geleenthede in Afrika (Agoa) uitgesluit sal word.

Sapa dreig met regstappe indien Suid-Afrika nie die ooreenkoms skrap nie.

Die ooreenkoms laat die VSA toe om 74 000 ton hoender na Suid-Afrika uit te voer.

Sapa sê die VSA se invoertariewe op Suid-Afrikaanse produkte maak dié ooreenkoms nietig.

Ter illustrasie. FOTO: Wix