Sassa se betaaldatums vir Desember is bekend
2 days ago
1 min read
Die Suid-Afrikaanse Agentskap vir Maatskaplike Sekerheid (Sassa) sê Desember se maatskaplike toelaes sal gedurende die eerste week van die maand oor drie dae uitbetaal word.
Die toelaes vir ouer persone sal op 2 Desember uitbetaal word, gevolg deur die ongeskiktheidstoelaes op 3 Desember. Kindertoelaes word op 4 Desember uitbetaal.
Sassa herinner begunstigdes daaraan dat hulle nie op die eerste dag hoef te jaag om hul toelaes af te haal nie, aangesien die geld in hul rekeninge beskikbaar sal bly.
Comments