Skoonmaakwerk by twee reservoirs kan wateronderbrekings in Bloemfontein veroorsaak
Inwoners van verskeie Bloemfonteinse woonbuurte kan in die komende dae onderbrekings in watertoevoer of lae waterdruk ervaar weens beplande skoonmaak- en instandhoudingswerk by twee reservoirs.
Volgens inligting wat deur die Mangaung Metro Munisipaliteit gedeel is, vind die eerste werk Woensdag by die Dan Pienaar-reservoir plaas. Dit kan Dan Pienaar en Bayswater raak.
Die tweede fase is vir volgende Dinsdag by die Pentagon-reservoir beplan. Gebiede wat geraak kan word, sluit Heuwelsig, Hillsboro, Pentagon, Northridge, Noordstad, Wild Olive, Lilly Valley en Woodlands Hills in.
Inwoners word aangeraai om vooraf genoeg water op te gaar en dit spaarsamig te gebruik. Watertoevoer sal geleidelik herstel word nadat die werk afgehandel is en die reservoirvlakke herstel het.
Comments