SOKKER: FIFA het dissiplinêre stappe teen SAFA en middelveldspeler, Teboho Mokoena, ingestel

FIFA het dissiplinêre stappe teen SAFA en middelveldspeler, Teboho Mokoena, ingestel nadat hy gespeel het terwyl hy geskors was. Mokoena het vroeër in die veldtog twee geel kaarte opgedoen, wat ‘n skorsing van een wedstryd moes veroorsaak het, en beide hy en die vereniging staan ​​nou voor aanklagte van die oortreding van FIFA se regulasies. Skuldigbevinding kan Bafana Bafana se kwalifiseringshoop knou en hulle agter Benin laat sak op doelverskil. SAFA se uitvoerende hoof, Lydia Monyepao, sê prokureurs berei ‘n verdediging voor.