SOKKER: Manchester United struikel in eerste wedstryd met Darren Fletcher
- Saamgestel deur Armando Pieters
- Jan 8
- 1 min read
Manchester United is gisteraand op Turf Moor tot ’n 2–elk gelykopspel deur Burnley beperk in die Premierliga.
Dit was die Red Devils se eerste wedstryd onder tussentydse afrigter Darren Fletcher, ná die vertrek van Ruben Amorim vroeër vandeesweek.
United het vroeg agtergeraak ná ’n eie doel, maar het in die tweede helfte teruggeslaan met twee doele deur Benjamin Šeško.
Burnley het egter teruggeveg toe Jaidon Anthony ’n doel aangeteken het om ’n punt vir die tuisspan te verseker.
Ten spyte daarvan dat United die balbesit oorheers en verskeie kanse geskep het, kon hulle nie al drie punte inpalm nie, wat beteken dat hulle steeds in die middel van die punteleer bly namate die seisoen hervat.
Comments