SOKKER: Orlando Pirates se afrigter, Abdeslam Ouaddou, en vyf klubpersoneellede is in die hospitaal opgeneem, nadat hulle deur ‘n motor getref is

Orlando Pirates se afrigter, Abdeslam Ouaddou, en vyf klubpersoneellede is in die hospitaal opgeneem, nadat hulle deur ‘n motor getref is terwyl hulle by ‘n ongelukstoneel gehelp het. Die voorval het Sondagaand plaasgevind toe ‘n Nissan NP200 teen stilstaande voertuie vasgery en die groep getref het. Onder die beseerdes was verdediger, Thapelo Xoki, en doelwagter, Tyrone Damons, wat ‘n driedubbele beenfraktuur opgedoen het, en Maandag ‘n operasie ondergaan het. Die ongeluk werp ‘n skaduwee oor die Pirates se aanloop tot die uitverkoopte MTN8-finaal teen Stellenbosch in Nelspruit op 13 September.