Steve Biko se familie vra vir ‘n opskorting van sy nadoodse ondersoek

Saamgestel deur Ilde Roos

Sep 4

1 min read

Steve Biko se familie het dokumente by die Oos-Kaapse hooggeregshof in Gqeberha ingedien waarin ’n tussentydse opskorting van die ondersoek na Biko se dood gevra word. Dit kom nadat regter Isaac Madondo die Biko-familie se aansoek om uitstel van die hand gewys het.

SABC News berig die Biko-familie, wat onlangs regsdienste bekom het, voer in hofstukke aan dat die regspan nie ’n redelike geleentheid gehad het om die dokumentêre rekord te vertaal, te ontleed en met ander dokumente te vergelyk en kruisverwysings te doen, en om voor te berei nie.

Biko is in 1977 oorlede nadat hy ernstige beserings opgedoen het terwyl hy in aanhouding was. Nadat niemand skuldig bevind is nie, is die geregtelike ondersoek na sy dood egter later heropen nadat verdere getuienis na vore gekom het.