Suid-Afrika verloor jaarliks duisende dokters en verpleegsters

Mediese personeel verlaat Suid-Afrika se openbare gesondheidsorgstelsel teen ‘n kommerwekkende tempo, met byna 6 000 dokters en verpleegsters wat jaarliks by staatsfasiliteite bedank. The Citizen berig amptelike syfers van die Persal-stelsel toon dat Suid-Afrika tussen 2013 en 2025 byna 13 000 dokters en sowat 59 000 verpleegsters by openbare gesondheidsorgfasiliteite verloor het. Die Departement van Gesondheid het voorheen 'n deel van die probleem toegeskryf aan jong verpleegsters en dokters se huiwering om in landelike gebiede te werk waar hulle vir gemeenskapsdiens toegewys word. Baie verkies stedelike plasings, wat onderbediende gemeenskappe sonder kritieke gesondheidsorgdienste laat.