'n Reuse-olifantrob kuier steeds in die Tuinroete
- Saamgestel deur Nadia Pieters
- 1 day ago
- 1 min read
'n Reuse-olifantrob wat sedert 15 Julie op 'n plaas in die Tuinroete rus, toon klein tekens van verbetering.
Volgens inligting wat die Stranded Marine Animal Rescue Team op sosiale media gedeel het, het veeartse medikasie toegedien om sy immuunstelsel te versterk.
Die sowat agt jaar oue mannetjie, wat naby aan 'n ton weeg, word steeds fyn dopgehou terwyl hy herstel.
Kenners sê olifantrobbe bring die grootste deel van hul lewe in die see deur, maar kom soms vir etlike weke aan land om te rus of te vervel.
Die publiek word versoek om die dier se ruimte te respekteer sodat die span hom veilig kan monitor.
Comments