Tekorte aan psigiatriese medikasie plaas pasiënte se gesondheid in gevaar

Pasiënte met geestesgesondheidstoestande loop die risiko van ’n terugslag weens tekorte aan psigiatriese medikasie by openbare gesondheidsfasiliteite regoor Suid-Afrika.

Die Suid-Afrikaanse Vereniging van Psigiaters sê die tekorte raak medisyne wat gebruik word om skisofrenie, bipolêre versteuring en ernstige depressie te behandel.

Die vereniging waarsku dat die oorskakeling van pasiënte na alternatiewe medikasie ernstige newe-effekte kan veroorsaak.

TimesLIVE berig dat die tekorte sommige pasiënte ook genoop het om hul medikasie by private apteke te koop, terwyl ander ná ’n terugslag in die hospitaal opgeneem is.

Ter illustrasie. FOTO: Wix