TENNIS: Destanee Aiava sê 2026 sal haar laaste jaar wees

Saamgestel deur Armando Pieters
Feb 17
1 min read

Destanee Aiava van Australië het, in ’n emosionele sosialemediaverklaring vol sterk taal, aangekondig dat 2026 haar laaste jaar in beroepstennis sal wees.

Sy beskuldig tennis daarvan dat dit agter wit kleredrag en tradisies skuil, terwyl daar volgens haar ’n kultuur van rassisme, homofobie, vyandigheid en vrouehaat heers.

Aiava, wat dikwels die teiken van aanlynboelies was, het fel teruggekap na mense wat haar minderwaardig laat voel het en uitgevaar teen haat, doodsdreigemente en opmerkings oor haar liggaam en loopbaan.

Sy het steeds dankbaarheid uitgespreek vir die geleenthede wat die sport haar gebied het, maar sê dit het haar gesondheid, selfwaarde en verhoudings gekos.