TENNIS: Wimbledon spog met rekord pryspot

Die Wimbledon grasbaan-toernooi het ‘n totale prysfonds van £53,5 miljoen vir vanjaar se kampioenskap aangekondig - in vergelyking met £50 miljoen in 2024. Beide die mans- en vroue-enkelspelkampioene sal elk £3 miljoen verdien. Spelers wat in die eerste rondte van die enkelspel uitgeskakel word sal ook ‘n hupstoot kry en £66 000 vir hul moeite verdien. Die derde Grand Slam toernooi van die jaar vind plaas tussen 30 Junie en 13 Julie by die All England Lawn Tennis & Croquet Club.