TikTok gaan $400-miljoen aan die VSA betaal

TikTok het ingestem om $400-miljoen aan die Verenigde State te betaal om ‘n regsgeding te beëindig wat beweer dat hul platform kinders se privaatheid geskend het.

Dit is een van die grootste skikkings ooit oor die kwessie. Die ooreenkoms spruit uit ‘n regsgeding in 2024 deur die Departement van Justisie onder die voormalige president Joe Biden wat beweer dat TikTok en hul moedermaatskappy ByteDance groot hoeveelhede data oor miljoene gebruikers onder die ouderdom van 13 versamel het.

Die BBC berig dit is teen die Wet op die Beskerming van Kinders se Aanlyn Privaatheid, ‘n federale wet wat in 2000 uitgevaardig is.

Dit is dieselfde wet waaroor dosyne Amerikaanse state Meta nou dagvaar.

FOTO: IOL