Twee boorgate in Brandfort is glo leeg ná die munisipaliteit se beweerde versuim om water te voorsien

13 hours ago
1 min read
Minstens twee boorgat-eienaars in Brandfort se boorgate het skynbaar drooggeloop nadat groot hoeveelhede grondwater na bewering te midde van ’n waterkrisis onttrek is.
Terwyl die munisipale water Maandagmiddag ná meer as twee weke begin terugkeer het, is sommige inwoners se boorgate nou droog.
Netwerk24 berig inwoners hier is sedert 30 Oktober sonder munisipale water en onder meer van private boorgat-eienaars afhanklik om hulle van water te voorsien.
Die vinger word nou na die Masilonyana-munisipaliteit gewys, wat na bewering geen noodwaterlewering tydens die krisis ingestel het nie.
Die munisipaliteit ontken dit egter ten sterkste en beweer hy het twee watertenkwaens gehuur om water aan die inwoners te verskaf.










Comments