Vrystaatse polisie tree op teen onwettige wildhandel
Sep 11
1 min read
Die Vrystaatse polisie het ‘n man in hegtenis geneem en ‘n ander beboet in afsonderlike sake wat verband hou met die beweerde onwettige handel in en besit van wild.
‘n Man is in Reitz in hegtenis geneem nadat hy na bewering ‘n luiperdskilpad te koop op Facebook Marketplace geadverteer het.
Die polisie en die Wildlife Crime Information Network het die skilpad by sy huis gered.
In Clarens is ‘n 19-jarige ‘n boete van R3 000 opgelê nadat hy na bewering ‘n jakkalswelp aangehou en te koop aangebied het.
Die owerhede doen ‘n beroep op die publiek om die nodige permitte te bekom voordat hulle wilde diere besit, vervoer of daarmee handel dryf.
Comments