VS vroueboere sê hul groei word steeds belemmer
Sep 17
1 min read
Vroueboere in die Vrystaat sê beperkte toegang tot grond, finansiering en markte, asook veediefstal, belemmer steeds hul groei.
Die kwessies is geopper tydens die provinsie se eerste Vroue-in-Landbou-Imbizo in Botshabelo.
SABC News berig een vroueboer, Mponeng Lentoro, sê landbouvoorligtingsdienste en ekonome word dringend benodig om boere te help om ingeligte besluite oor gewasse, grondtoestande, weerpatrone en markte te neem.
Nog 'n vroueboer, Agnes Mokhele, wat vee, groente en veevoer produseer, sê vroueboere is veral kwesbaar vir veediefstal. Sy doen ’n beroep op sterker ondersteuning en beskerming om vroueboere te help om hul bedrywighede te beveilig en hul ondernemings uit te brei.
Comments