A-pokke-gevalle in die Vrystaat word gemonitor
Oct 15
1 min read
Een geval van a-pokke is in Sasolburg bevestig, terwyl nog twee moontlike gevalle ondersoek word.
Volgens die Vrystaatse Departement van Gesondheid is die bevestigde pasiënt klinies stabiel en tuis in afsondering. Noue kontakte word opgespoor en toetsing is aan die gang.
Die departement sê die risiko vir die algemene publiek is tans laag, met geen bewyse van wydverspreide oordrag in die gemeenskap nie.
Gesondheidsowerhede het onder meer kontakopsporing en verhoogde toesig ingestel.
Mense wat simptome soos koors, geswelde kliere, spierpyn of ’n uitslag ontwikkel, word aangeraai om by hul naaste gesondheidsfasiliteit advies te kry en noue fisieke kontak te vermy totdat hulle ondersoek is.
Comments