Aansoeke vir vuurwapenlisensies neem toe

Saamgestel deur Nadia Pieters
Jun 2
1 min read

Meer Suid-Afrikaners doen aansoek vir vuurwapenlisensies namate kommer oor misdaad, geweld en persoonlike veiligheid toeneem.

Eyewitness News berig dit is volgens die uitvoerende direkteur van Gun Free South Africa, Stanley Maphosa. Hy voeg by die toename het veral sedert 2020 duidelik geword.

Volgens hom is vrees en onsekerheid die grootste dryfvere agter die styging, met baie mense wat voel hulle kan nie altyd op die staat staatmaak om hulle teen geweld te beskerm nie.

Maphosa sê gebeure soos die onrus van Julie 2021 en onsekerheid oor moontlike veranderinge aan vuurwapenwetgewing het ook bygedra tot die toename in aansoeke.

Hy waarsku egter dat meer vuurwapens in omloop ook groter risiko's inhou.

Dit aangesien wettige vuurwapens soms verlore raak of gesteel word en in misdadigers se hande beland.