Aarto gaan voort soos geskeduleer
- Saamgestel deur Nadia Pieters
- Jul 2
- 1 min read
Die implementering van Fase Twee van die Wet op Administratiewe Beregting van Padverkeersoortredings (Aarto) sal volgens die Padverkeersoortredingsowerheid soos geskeduleer voortgaan
Dit volg op ‘n uitspraak van die Gauteng-hooggeregshof wat die Suid-Afrikaanse Plaaslike Regeringsvereniging (Salga) se dringende aansoek van die rol geskrap het.
Salga het gepoog om die uitrol te stop weens kommer oor gereedheid, infrastruktuur en befondsing.
Die hof het egter bevind dat daar geen dringendheid en geen bewys was dat Salga gemagtig was om namens munisipaliteite op te tree nie.
Die Padverkeersoortredingsowerheid sê dat hulle ten volle voorbereid is, met ‘n beplande uitrol oor 62 munisipaliteite en ondersteunende stelsels in plek.
Comments