Aasvoëls se beskerming bly ‘n prioriteit

Volgens die minister van bosbou, visserye en die omgewing, Dion George, bly die beskerming van aasvoëls steeds ’n nasionale prioriteit.

Maroela Media berig George se uitlatings kom in aanloop tot die vergadering later vanjaar van partye wat deel is van die Afrika-Eurasiese migrerende watervoëls-ooreenkoms.

Net vanjaar het twee massavergiftigingsinsidente gelei tot die dood van honderde aasvoël, en volgens George kan die verlies van duisende aasvoëls rampspoedige gevolge vir die omgewing en openbare gesondheid hê.

Vergiftigde karkasse – dikwels daar gelaat deur stropers – eis jaarliks groot getalle aasvoëls.

Sonder aasvoëls bly karkasse verrot in die veld, wat onder andere ʼn toename in rondloperhonde en vrektes weens hondsdolheid verhoog.

Ter illustrasie. FOTO: Maroela Media