ActionSA beplan wetgewing om fluitjieblasers te beskerm

ActionSA gaan ’n private ledewetsontwerp voorstel wat fluitjieblasers beter beskerming en aansporings moet gee.

Die aankondiging kom ná die herdenking van Babita Deokaran, die gesondheidsamptenaar wat in 2021 vermoor is nadat sy korrupsie by die Tembisa-hospitaal blootgelê het.

ActionSA se leier, Herman Mashaba, sê meer moet gedoen word om mense wat korrupsie aan die lig bring te beskerm en te ondersteun.