ActionSA kritiseer Ramaphosa se toespraak oor immigrasie-uitdagings
- Saamgestel deur Ilde Roos
- Jun 8
- 1 min read
ActionSA het president Cyril Ramaphosa se toespraak oor immigrasie-uitdagings gekritiseer. Die party sê die toespraak was swak en reaksionêr. Dit kom nadat president Cyril Ramaphosa die nasie toegespreek het oor die regering se plan om die onwettige immigrasiekrisis aan te pak.
ActionSA sê slegs die massa-deportasie van onwettige buitelanders en sterker wetstoepassing sal die probleem oplos. Die party is onder diegene wat deurgaans die deportasie van onwettige immigrante versoek het. ActionSA sê Ramaphosa het mislukte ANC-gesprekspunte in sy toespraak hergebruik.
Intussen het die EFF die regering versoek om sterker op te tree teen xenofobie en sy immigrasiestrategie te verbeter. Die party beweer dat Ramaphosa die nasie eers toegespreek het nadat hy onder druk van eweknieë op die vasteland gekom het.
Die EFF se Sam Matiase glo dat die president se eweknieë hom aangespoor het om in te gryp en hom herinner het aan Afrika se bydrae tot die land se bevryding.
LUISTER HIER:
Comments