AfriForum stuit 'n geheime ooreenkoms tussen Nersa en Eskom

Saamgestel deur Nadia Pieters
Oct 8, 2025
1 min read

Die burgerregteorganisasie AfriForum het die Nasionale Energiereguleerder (Nersa) en Eskom se plan om ’n geheime skikking in die Hooggeregshof in Pretoria te laat bekragtig, voorlopig gestuit.

Die ooreenkoms sou kragtariewe oor drie jaar met nege persent per jaar verhoog.

Eskom het nou ingestem dat AfriForum en ander belanghebbendes tot die saak kan toetree.

AfriForum se raadgewer vir plaaslikeregeringsake, Deidré Steffens, beskryf die skikking as onregmatig en ondeursigtig, en sê die publiek behoort inspraak te hê in besluite wat hul sak raak.