AfriForum waarsku oor veldbrandgevaar

AfriForum waarsku grondeienaars, boere en landelike gemeenskappe om voor te berei vir die huidige veldbrandseisoen wat tot Augustus duur.

My City Bloemfontein berig die organisasie sê die Nasionale Rampbestuursentrum se winter-risikoprofiel dui op 'n verhoogde gevaar vir veldbrande in verskeie provinsies weens hoër temperature, digte plantegroei en sterker winde.

AfriForum waarsku verder dat verwagte El Niño-toestande die risiko van ernstige veldbrande later in die winter en lente kan verhoog.

Grondeienaars word aangemoedig om brandstroke in stand te hou, brandbare materiaal te verwyder en seker te maak dat brandbestrydingstoerusting gereed is.

Ter illustrasie. FOTO: Unsplash