Al hoe meer Suid-Afrikaners wat in die buiteland woon, keer terug huis toe

Saamgestel deur Jana Roos
May 4
1 min read

Suid-Afrikaners wat oorsee woon, begin toenemend hul opsies herevalueer, met ’n klein maar groeiende getal wat terugkeer huis toe.

Daar woon glo sowat 900-duisend Suid-Afrikaners in die buiteland, met al hoe meer wat bevraagteken of dit nog finansieel sin maak om daar te bly. Laer lewenskoste, beter koopkrag en meer bekostigbare gesondheidsorg dryf die tendens.

Jong professionele mense, gesinne en afgetredenes keer terug. Daar is ook ŉ tendens dat vaardige Suid-Afrikaners met internasionale ervaring terugkeer huis toe.