ANC het onderhandelinge met die RNE-vennote heropen

Die ANC se nasionale werkskomitee (NWK) het besluit om onderhandelinge met al sy regering van nasionale eenheid (RNE)-vennote, sowel as partye wat die begroting gesteun het, te heropen. Eyewitness News berig dat die besluit volg ná spanning tussen die DA en agt ander partye oor die DA se weiering om die minister van finansies se fiskale raamwerk te steun. Bronne in Maandag se geslote vergadering het aan Eyewitness News gesê dit kan beteken dat ’n kabinetskommeling op hande is. Die ANC wil sy ooreenkoms met ActionSA eerbiedig, maar ook nie bande met die DA verbrand nie. Die span het glo reeds die DA genader vir gesprekke.