ANC het vertroue oor begroting, onderhandelings duur voort

Die ANC sê hoewel hy vol vertroue is dat die 2025-begroting goedgekeur sal word, kan onderhandelinge tot op die nippertjie voortduur. Die Parlement het tot 3 April om oor die begroting te besluit. Die ANC het intussen aangedui dat hy verskeie partye buite die regering van nasionale-eenheid genader het vir steun. SABC-nuus berig die party se nasionale uitvoerende komitee vergader dié naweek in Boksburg aan die Oosrand. Die ANC se woordvoerder, Mahlengi Bhengu-Motsiri, sê hoewel die onderhandelings oor die begroting ‘n voortslepende proses is, moet dit fokus op die begroting en nie om beleid of wetgewing te verander nie.