ANC-raadslid in Limpopo vas vir afpersing

'n Limpopo-munisipaliteit mag binnekort nog 'n tussenverkiesing hou nadat die onlangs verkose raadslid, Tobius Malope, in hegtenis geneem is op aanklagte van afpersing. The Citizen berig dat hy verkies is vir wyk 30 in die Elias Motsoaledi-plaaslike munisipaliteit. Malope en agt ander is naby Burgersfort in hegtenis geneem ná bewerings dat hulle 'n kontrakteur by 'n mynbouprojek afgedreig het. Hulle het glo paaie versper en geld geëis, wat die kontrakteur uit vrees betaal het voordat die polisie ingelig is. Malope, 'n vurige en uitgesproke ANC-leier, sal na verwagting op 13 Januarie 2025 in die Nebo-landdroshof verskyn.