Armoede hou aan om misdaad aan te wakker

Volgens die vakbond Saftu toon die jongste misdaadstatistieke ‘n mate van verbetering, maar miljoene Suid-Afrikaners leef steeds in vrees.

Dit kom nadat die waarnemende minister van Polisie, Firoz Cachalia, die misdaadstatistieke vir die vierde kwartaal vir die 2025/26-boekjaar vrygestel het, wat Januarie tot Maart 2026 dek.

Die vakbond verwelkom die afname in moord-, verkragtings- en roofgevalle, aangesien polisiëringsoperasies moontlik beperkte resultate lewer.

Geweldsmisdade bly egter kommerwekkend hoog, met 58 moorde en meer as 110 verkragtingsgevalle wat daagliks aangemeld word.

Saftu voeg by armoede, werkloosheid en ongelykheid is hoofoorsake van misdaad en doen ‘n beroep op meer belegging in werkgeleenthede, behuising, onderwys en polisiëring.

Ter illustrasie. FOTO: Unsplash