As die ANC reg is, sal die OVK alle partye oor dieselfde kam moet skeer

Saamgestel deur Ilde Roos

Oct 13

1 min read

Indien die ANC reg is en die wet bepaal dat ’n party op die stembrief moet verskyn en aan die verkiesing mag deelneem bloot omdat hy die inligting verskaf het, sonder om die finale indieningsknoppie te druk, sal dit nie ’n vrye en regverdige verkiesing wees tensy dieselfde beginsel op alle partye in dieselfde posisie toegepas word nie.

Dit is volgens die DA se regsverteenwoordiger, Michael Bishop.

Hy waarsku dat ’n uitspraak ten gunste van die ANC aansienlike administratiewe probleme kan veroorsaak, aangesien tientalle ander partye en meer as 2 000 kandidate in dieselfde posisie was.

Bishop sê die Onafhanklike Verkiesingskommissie (OVK) sal dan grondwetlik verplig wees om alle betrokke partye gelyk te behandel, wat die voorbereiding van stembriewe en die hou van vrye en regverdige verkiesings moontlik kan bemoeilik.

SABC News berig die Konstitusionele Hof in Johannesburg het uitspraak voorbehou in die ANC se aansoek om die OVK se kandidaatnominasiestelsel te betwis. Die hof sê hy sal so gou moontlik uitspraak lewer.