Asma-medikasie kan dalk kankerbehandeling help verbeter

Navorsers in die Verenigde State sê ’n middel wat algemeen vir asma en allergieë gebruik word, kan moontlik help om aggressiewe kankers beter te behandel.

Wetenskaplikes aan die Northwestern Universiteit het bevind dat sekere gewasse ’n molekule gebruik om die liggaam se immuunstelsel te verswak en behandeling te weerstaan.

Volgens die studie het die blokkering van dié molekule met die asma-medikasie Montelukast gewasgroei vertraag en oorlewing in muisstudies verbeter.

Navorsers sê die bevindinge kan moontlik vinnig na kliniese proewe beweeg omdat die medikasie reeds in Amerika vir mediese gebruik goedgekeur is.

Ter illustrasie. FOTO: Unsplash