Begroting: Duisende 'spookwerkers' is ontbloot

Saamgestel deur Nadia Pieters
Feb 26
1 min read

Duisende sogenaamde “spookwerkers” wat staatsalarisse ontvang, is tydens ’n nasionale oudit van die openbare sektor se betaalstaat ontbloot.

Volgens IOL het minister van finansies, Enoch Godongwana, die bevinding bekend gemaak tydens die voorlegging van die 2026-begroting in die Parlement. Die oudit het meer as 4 300 verdagte gevalle in die PERSAL-stelsel geïdentifiseer.

Godongwana sê ’n verifikasieproses is reeds aan die gang en werknemers wat nie fisies geverifieer kan word nie, se salarisse sal teruggehou en hul diensstatus opgeskort word.

Hy beskryf die uitbetaling van salarisse aan nie-bestaande of onbevoegde persone as ’n ernstige swakheid in openbare finansiële bestuur.