Bek-en-klouseer in die Oos-Kaap en Limpopo is onder beheer.

Die minister van Landbou, John Steenhuisen, het die siektebestuursgebiede in die Oos-Kaap en Limpopo opgehef. Dit kom terwyl die verspreiding van bek-en-klouseer in die twee provinsies onder beheer is. Die siektebestuursgebiede is sedert 26 Julie verlede jaar in die Oos-Kaap en sedert 2022 in Limpopo in plek om die beheer van die bek-en-klouseeruitbreking te ondersteun. Die siektebestuursgebiede in KwaZulu-Natal sal in plek bly aangesien daar steeds tekens van aktiewe virussirkulasie in die gebied is. Sommige uitbrekings is buite die siektebestuursgebiede opgespoor.