Belastingseisoen begin 13 Julie
- Saamgestel deur Nadia Pieters
- Jun 8
- 1 min read
Die Suid-Afrikaanse Inkomstediens het aangekondig dat vanjaar se belastingseisoen op 13 Julie begin.
Belastingbetalers wat vir outomatiese aanslae kwalifiseer, sal hul aanslae tussen 1 en 12 Julie ontvang.
Nie-voorlopige belastingbetalers sal tot 23 Oktober hê om hul belastingopgawes in te dien, terwyl voorlopige belastingbetalers en trusts tot 22 Januarie volgende jaar tyd sal hê.
Die Inkomstediens sê nie-voorlopige belastingbetalers is gewoonlik werknemers wie se belasting reeds deur die Betaal Soos Jy Verdien-stelsel, of PAYE, afgetrek word.
Voorlopige belastingbetalers sluit onder meer mense in wat inkomste uit besighede, beleggings, huur-eiendomme of vryskutwerk verdien.
Comments