Betaalde kraamverlof in die privaatsektor neem af

Saamgestel deur Nadia Pieters
2 hours ago
1 min read

Nuwe data toon dat minder werkgewers in die privaatsektor ten volle betaalde kraamverlof aanbied.

Volgens die aanlyn vergoedingsplatform Remchannel het die persentasie maatskappye wat vier maande se betaalde kraamverlof aanbied, van net meer as 58% in 2023 tot byna 41% vanjaar gedaal.

Die platform waarsku dat dit nuwe ouers kan dwing om hul werkloosheidsversekeringsfonds te gebruik om hul inkomste tydens ouerskapsverlof aan te vul.

Die besturende direkteur van Remchannel, Lindiwe Sebesho, sê betaalde kraamverlof is nie verpligtend nie en word deur baie werkgewers as ’n addisionele voordeel beskou.

Sy sê baie nuwe ouers moet daarom ander maniere vind om hul inkomste tydens verlof aan te vul.