Bethlehem Polisie neem ’n beweerde dwelmhandelaar in hegtenis

Die polisie in die Vrystaat het ʼn verdagte uit die Bethlehem-distrik in hegtenis geneem vir moontlike dwelmhandel. Volgens ’n polisieverklaring het hulle inligting van die gemeenskap ontvang oor ʼn sekere huis waar dwelms verkoop word. Die span het die inligting gebruik, die huis deursoek en Mandrax en Tik in die yskas ontdek. Die verdagte is in hegtenis geneem en aangekla vir dwelmhandel. Hy sal na verwagting Donderdag in die Bethlehem-landdroshof verskyn.