Die Valke moet Mbalula se Dubai-vakansie verder ondersoek
Die Valke moet verdere ondersoek instel na ANC-sekretaris-generaal Fikile Mbalula se omstrede gesinsvakansie na Dubai, nadat die besluit om hom nie te vervolg nie hersien is.
Volgens Maroela Media het die Nasionale Vervolgingsgesag aangedui dat sekere aspekte van die saak nog ondersoek moet word voordat ’n finale besluit oor vervolging geneem kan word.
Die saak hou verband met Mbalula en sy gesin se vakansie na Dubai tussen Desember 2016 en Januarie 2017, toe hy minister van sport en ontspanning was.
AfriForum het vroeër strafregtelike klagte van bedrog, korrupsie en geldwassery in verband met die finansiering van die reis aanhangig gemaak.
Die Nasionale Vervolgingsgesag het in 2023 besluit om nie Mbalula te vervolg nie omdat daar volgens hom nie voldoende bewyse van kriminele optrede was nie.
AfriForum se privaatvervolgingseenheid het dié besluit daarna betwis en verdere vertoë aan die vervolgingsgesag gerig.
Comments