Beweerde onwettige mynwerkers in die Vrystaat is in hegtenis geneem

Die polisie in die Vrystaat het twee mynwerkers in hegtenis geneem wat na bewering onwettige mynbouaktiwiteite naby Hennenman ondersteun het.

Die arrestasies volg op ‘n deeglike ondersoek wat vroeër hierdie maand begin het toe vier onwettige mynwerkers onderskep is terwyl hulle probeer het om toegang tot ondergrondse bedrywighede by ‘n plaaslike myn te verkry.

Die eerste verdagte, wat as ‘n vragmotorbestuurder by die myn werksaam was, is in hegtenis geneem. Die polisie het sy minibus gekonfiskeer, wat na bewering gebruik is om onwettige mynwerkers te vervoer.

Verdere ondersoek het gelei tot die inhegtenisneming van ‘n vrou, wat die pos van Menslike Hulpbronbestuurder by dieselfde myn beklee.

‘n Polisiewoordvoerder, sersant Mahlomola Kareli, sê haar sedan is ook gekonfiskeer, aangesien dit na bewering gebruik is om onwettige mynwerkers na die mynperseel te vervoer.

LUISTER: